Կարիերայի ուղղորդման պատասխանատու

Կարիերայի ուղղորդման պատասխանատուն հանդիսանում է ուսանողների մասնագիտական կողմնորոշման, կարիերայի պլանավորման և զարգացման գործընթացների համակարգողը։ Նա պատասխանատվություն է կրում մատուցվող ծառայությունների որակի, ինչպես նաև առաջադրված խնդիրների համապատասխան, ժամանակին և արդյունավետ կատարման համար։

Կարիերայի ուղղորդման կենտրոնը (կարիերայի ուղղորդման պատասխանատուն) հանդիսանում է Երևանի հենակետային պետական բժշկական քոլեջի կառուցվածքային ստորաբաժանում։ Կենտրոնի գործունեությունը իրականացվում է ԵՀՊԲՔ տնօրենի կողմից հաստատված կարգերի և հրահանգների հիման վրա։

Կարիերայի ուղղորդման պատասխանատուի գործառույթները

Կարիերայի ուղղորդման պատասխանատուի հիմնական նպատակն է ապահովել ուսանողների մասնագիտական կողմնորոշման և կարիերայի զարգացման արդյունավետ աջակցությունը՝ ներառելով հետևյալ գործառույթները․

1. Ուղղորդման և խորհրդատվական ծառայություններ

• ✧ ուսանողներին մասնագիտական կողմնորոշման, կարիերայի պլանավորման և զարգացման վերաբերյալ տեղեկատվության, խորհրդատվության և ուղղորդման տրամադրում՝ խմբային և անհատական ձևաչափերով,
• ✧ ուսանողների անձնային հատկանիշների, կարողությունների և նախասիրությունների բացահայտում։

2. Տեղեկատվության հավաքագրում և ներկայացում

• ✧ շարունակական և լրացուցիչ կրթության ոլորտների, տնտեսության գերակա ճյուղերի, աշխատաշուկայի միտումների, կանխատեսումների և մասնագիտությունների զբաղմունքների վերաբերյալ տվյալների հավաքագրում և ուսանողներին ներկայացում։

3. Կարիերայի պլանավորում և մուտք աշխատաշուկա

• ✧ կարիերայի պլանավորման, կառավարման և աշխատաշուկա մուտք գործելու հմտությունների վերաբերյալ ծառայությունների մատուցում։

4. Իրավիճակային և մասնագիտական միջոցառումներ

• ✧ սեմինարների, աշխատաժողովների, քննարկումների, բաց դասերի, ոչ ֆորմալ կրթական ծրագրերի և ցուցահանդեսների կազմակերպում և իրականացում,
• ✧ սոցիալական գործընկերների՝ գործատուների և հաջող կարիերա ունեցող շրջանավարտների ներգրավում ուսանողների խորհրդատվական գործընթացներում։

5. Տեղեկատվական հոսքերի կառավարում

• ✧ թափուր աշխատատեղերի, կամավորական և հասարակական գործունեության հնարավորությունների վերաբերյալ տվյալների հավաքագրում և ուսանողներին ծանուցում,
• ✧ աշխատանք փնտրող ուսանողների ուղղորդում ՄՍԾ տարածքային կենտրոններ։

6. Կառավարում և հաշվետվություն

• ✧ ստորաբաժանման գործունեության պլանավորում և կազմակերպում,
• ✧ ուսանողների և շրջանավարտների հետ հետադարձ կապի և հաղորդակցման մեխանիզմների մշակում,
• ✧ արտաքին և ներքին շահակիցների տվյալների գրանցում և վիճակագրության վարման ապահովում,
• ✧ սահմանված ժամկետներում հաշվետվությունների կազմում և համապատասխան պատասխանատուներին ներկայացում։

Կարիերայի ուղղորդման աշխատանքների արդյունավետության բարձրացման նպատակով Քոլեջում գործում է մասնագիտական կողմնորոշման հանձնաժողով, որը ևս ներգրավված է ուսանողների կարիերայի զարգացման գործընթացների կազմակերպման և ներդաշնակ հոսքի ապահովման գործում։