ՄԻՋԱԶԳԱՅԻՆ ՄԱՍՆԱԳԻՏԱՑՎԱԾ ՑՈՒՑԱՀԱՆԴԵՍ
2023թ-ի ապրիլի 5-7-ը ՀՀ Կրթության, գիտության, մշակույթի և սպորտի նախարարության աջակցությամբ «Yerevan-EXPO» ցուցահանդեսային համալիրում տեղի ունեցավ «ԿՐԹՈՒԹՅՈՒՆ ԵՎ ԿԱՐԻԵՐԱ EXPO 2023» միջազգային մասնագիտացված ցուցահանդեսը, որին Հայաստանից և արտերկրից մասնակցում էին ավելի քան 80 կրթական հաստատություններ և միջազգային դոնոր կազմակերպություններ:
Երևանի հենակետային բժշկական քոլեջի ուսանողները քոլեջի մասնագիտական կողմնորոշման և կարիերայի ուղղորդման պատասխանատու Լ․ Մանուչարյանի, մեթոդիստ Կ․ Մնացականյանի և կրթության որակի ապահովման պատասխանատու Գ․ Սարգսյանի ուղեկցությամբ ևս ներկա էին «ԿՐԹՈՒԹՅՈՒՆ ԵՎ ԿԱՐԻԵՐԱ EXPO 2023» միջազգային մասնագիտացված ցուցահանդեսին։
Ցուցահանդեսի ընթացքում ուսանողները տեղեկացան շարունակական կրթության հիմնական մեթոդաբանությանը, ՀՀ և միջազգային կրթական համակարգերի սկզբունքների վերաբերյալ գիտելիքների հաղորդման ու դրանց հիման վրա սեփական կարիերան պլանավորելու սկզբունքներին և առաջարկներին։
Ապրիլի 8, 2023թ.
