2022 թվականի դեկտեմբերի 12-ին համագործակցության և փորձի փոխանակման նպատակով «Երևանի հենակետային բժշկական քոլեջ» ՓԲԸ-ում հյուրընկալվեցին «Դիլիջանի պետական բժշկական քոլեջ» ՊՈԱԿ-ի մասնագիտական կողմնորոշման և կարիերայի ուղղորդման պատասխանատու Լուսինե Դավթյանը, «Արարատի պետական բժշկական քոլեջ» ՊՈԱԿ-ի մասնագիտական կողմնորոշման և կարիերայի ուղղորդման պատասխանատու Մերի Գրիգորյանը, «Արարատի պետական բժշկական քոլեջ» ՊՈԱԿ-ի «Քույրական գործի հիմունքներ» մոդուլի դասախոս Արեգնազ Դավթյանը և «Երևանի թեթև արդյունաբերության պետական քոլեջ» ՊՈԱԿ-ի մասնագիտական կողմնորոշման և կարիերայի ուղղորդման պատասխանատու Հասմիկ Հովհաննիսյանը։
Այցի ընթացքում իրականացվեց՝
- ✧ «Քույրական գործի հիմունքներ» մոդուլի շրջանակներում դասալսում և քննարկում,
- ✧ «Ատամնատեխնիկական գործ» բաժնում առարկայական խմբակի շրջանակներում դասալսում և քննարկում,
- ✧ ոչ ֆորմալ դասընթաց՝ «Աշխատանքի որոնում և կարիերայի հնարավորությունների ուսումնասիրում», «Գործատուին ներկայանալու հմտություններ» թեմաներով,
- ✧ շրջայց, ռեսուրսների դիտարկում,
- ✧ հարցաշարերի, հարցաթերթերի քննարկումներ, վերլուծություններ,
- ✧ ձեռնարկների տրամադրում,
- ✧ փորձի փոխանակում։
Հանդիպումն ամփոփվեց քոլեջի որակի պատասխանատուի, մեթոդիստի, «Քույրական գործի հիմունքներ» մոդուլի ամբիոնի վարիչի և կարիերայի պատասխանատուի հետ համատեղ քննարկումներով և վերլուծություններով։ Հյուրերին տրամադրվեցին նաև «Երևանի հենակետային բժշկական քոլեջ»-ի կողմից մշակված ձեռնարկները։
