Բաց դռների օր Երևանի պետական համալսարանում

2023 թվականի նոյեմբերի 24-ին Երևանի հենակետային բժշկական քոլեջի Մասնագիտական կողմնորոշման և կարիերայի ուղղորդման պատասխանատու Լ․Մանուչարյանի նախաձեռնությամբ քոլեջի մի խումբ ուսանողներ մասնակցեցին ԵՊՀ «BioExpo» ցուցահանդեսին, որի նպատակն էր՝

• ✧ ամրապնդել և զարգացնել բուհ-գործատու կապը,
• ✧ ծանոթացնել ուսանողներին աշխատաշուկայի պահանջներին և մասնագիտական աճի հնարավորություններին,
• ✧ աջակցել աշակերտներին մասնագիտական կողմնորոշման հարցում՝ ներկայացնելով ԵՊՀ կենսաբանության ֆակուլտետի ամբիոնների գործունեությունը և ընձեռած հնարավորությունները։

Ցուցահանդեսին մասնակցում էին ԵՊՀ Կենսաբանության ֆակուլտետի ամբիոնների, ֆակուլտետի շրջանավարտների բազմաճյուղ աշխատանքային ոլորտները ներկայացնող կազմակերպություններ (ՀՀ ԳԱԱ գիտահետազոտական ինստիտուտներ, ՀՀ պետական կառավարման համակարգի մարմիններ, կլինիկական ախտորոշիչ լաբորատորիաներ, բնապահպանության, սննդարդյունաբերության, կենսատեխնոլոգիայի ոլորտների տարբեր կազմակերպություններ և այլն) ներկայացուցիչներ։