Ոչ ֆորմալ դասընթաց «Քույրական գործ» բաժնի ավարտական խմբերի ուսանողների նախաձեռնությամբ

2023 թվականի մայիսի 3-ին Երևանի հենակետային բժշկական քոլեջի «Քույրական գործ» բաժնի ավարտական խմբերի ուսանողների նախաձեռնությամբ և քոլեջի մասնագիտական կողմնորոշման և կարիերայի ուղղորդման պատասխանատու Լ. Մանուչարյանի աջակցությամբ «Հանրակրթական ծրագրով» բաժնի N 102 խմբում տեղի ունեցավ «Կարողությունների և հմտությունների բացահայտում և ձևավորում» թեմայով ոչ ֆորմալ դասընթաց։

Դասընթացի նպատակը աշխատաշուկայում մրցունակության ապահովումը և աշխատատեղերի պահպանումն էին, համապատասխան հմտությունների ձևավորումը, ներկայացումը, եվրոպական չափանիշներին համապատասխան կոմպետենցիաները`

• ✧ հաղորդակցում մայրենի և օտար լեզուներով,
• ✧ մաթեմատիկական գրագիտություն և տարրական հմտություններ գիտության և տեխնոլոգիայի ոլորտներում,
• ✧ թվային տեխնոլոգիաների տիրապետում,
• ✧ սովորել, թե ինչպես սովորել,
• ✧ հասարակական և քաղաքացիական կարողություններ,
• ✧ ձեռներեցություն,
• ✧ մշակութային իրազեկվածություն։