«Մասնագիտական կողմնորոշում» դպրոցներում

2024 թվականի ապրիլի 8-ին Երևանի հենակետային բժշկական քոլեջի մասնագիտական կողմնորոշման և կարիերայի ուղղորդման պատասխանատու Լ. Մանուչարյանը, ավագ գրադարանավար Լ. Փափազյանը, քոլեջի որոշ շրջանավարտներ և մասնագիտական բաժինների ուսանողներ մասնագիտական կողմնորոշման անցկացման նպատակով այցելեցին Երևանի Արա Հարությունյանի անվան համար 49 հիմնական և Երևանի թիվ 45 հիմնական դպրոցներ։

Քոլեջի ներկայացուցիչները դպրոցների 9-րդ դասարաններում սովորողներին տեսասահիկի միջոցով ներկայացրեցին Երևանի հենակետային բժշկական քոլեջի պատմությունը, բաժիններն ըստ մասնագիտությունների, քոլեջ ընդունվելու կարգը, գրադարանից օգտվելու կարգը, ուսանողների արտալսարանային կյանքը, կարիերայի պլանավորումը, հեռանկարները, մասնագիտական առաջխաղացման ուղիների ընտրության ենթակա տարբերակները:

Աշակերտներին տրամադրվեցին քոլեջի ընդունելության կարգի և գործող մասնագիտությունների վերաբերյալ տեղեկատվական թռուցիկներ և բուկլետներ։

Հանդիպումներն ընթացան ջերմ մթնոլորտում և կկրեն շարունակական բնույթ։