Բաց դռների օր «Մխիթար Գոշ» հայ-ռուսական միջազգային համալսարանում
2025 թվականի ապրիլի 11-ին Երևանի հենակետային պետական բժշկական քոլեջի մի խումբ ուսանողներ քոլեջի մասնագիտական կողմնորոշման և կարիերայի ուղղորդման պատասխանատու Լ․Մանուչարյանի ղեկավարությամբ մասնակցեցին «Մխիթար Գոշ» հայ-ռուսական միջազգային համալսարանում կազմակերպված «Բաց դռների օր» ձևաչափով շրջայցին։
Շրջայցի ընթացքում ուսանողները ծանոթացան համալսարանի ֆակուլտետներին, ընդունելության կարգին, ուսման վարձավճարներին, ինչպես նաև համալսարանի առաջարկած աշխատանքային հնարավորություններին։
Սիմուլյացիոն կաբինետներում ուսանողները դասավանդողների ուղեկցությամբ մասնակցեցին գործնական մանիպուլացիաների։
Այսօրինակ նախաձեռնությունները նպաստում են մասնագիտական կողմնորոշման հստակեցմանը։
Ապրիլի 12, 2025թ.
