2022 թվականի դեկտեմբերի 2-ին «Արմենիա» բժշկական կենտրոնում տեղի ունեցավ հանդիպում-քննարկում, որին ներկա էին «Արմենիա» բժշկական կենտրոնի ավագ բուժքույր Ս.Սուջոյանը, Երևանի հենակետային բժշկական քոլեջի պրակտիկայի բաժնի վարիչ Ա.Խաչատրյանը, մասնագիտական կողմնորոշման և կարիերայի ուղղորդման պատասխանատու Լ.Մանուչարյանը, կրթության որակի պատասխանատու Գ.Սարգսյանը և մեթոդիստ Կ.Մնացականյանը։
Երևանի հենակետային բժշկական քոլեջի պրակտիկայի բաժնի վարիչ Ա.Խաչատրյանը նշեց երկարամյա համագործակցության շրջանակները ոլորտի լավագույն մասնագետների հետ:
«Արմենիա» բժշկական կենտրոնի ավագ բուժքույր Ս.Սուջոյանն իր գոհունակությունը հայտնեց սովորողների կրթության, գիտելիքների, կարողությունների և հմտությունների վերաբերյալ:
Քոլեջի մասնագիտական կողմնորոշման և կարիերայի ուղղորդման պատասխանատու Լ.Մանուչարյանը տրամադրեց ավագ բուժքրոջը հարցաթերթ՝ կրթական ծրագրերում և գործընթացներում անհրաժեշտ շտկումներ կատարելու համար։
Քոլեջի մեթոդիստ Կ.Մնացականյանն առաջարկեց պրակտիկայի ընթացքում անհրաժեշտ ծրագրային փոփոխությունների մասին տեղեկացնել ուսումնական մաս և մեթոդ կաբինետ:
Կրթության որակի պատասխանատու Գ.Սարգսյանն առաջարկեց պրակտիկայի ամփոփման ժամանակ ուսանողների մասնակցությամբ վերլուծել աշխատանքային արժեքները:
Մասնակիցները լսեցին համագործակցության առաջարկները և ընդունեցին ի գիտություն:
