ՏԵՂԵԿԱՏՎԱԿԱՆ ՕՐԵՐ ԵՐԵՎԱՆԻ ՀԵՆԱԿԵՏԱՅԻՆ ԲԺՇԿԱԿԱՆ ՔՈԼԵՋՈՒՄ
2024 թվականի մայիսի 31-ին «Տեղեկատվական օրեր» ծրագրի շրջանակում Երևանի հենակետային բժշկական քոլեջը հյուրընկալեց ՀՀ հանրակրթական դպրոցների մի խումբ աշակերտների։
Քոլեջի մասնագիտական կողմնորոշման և կարիերայի ուղղորդման պատասխանատու Լ.Մանուչարյանը աշակերտներին ներկայացրեց քոլեջի պատմությունը, ընդունելության կարգը, կարիերայի ուղու պլանավորումը, հեռանկարները, մասնագիտական առաջխաղացման ուղիների՝ ընտրության ենթակա տարբերակները։
Այնուհետև ուսանողական խորհրդի անդամները քոլեջում անցկացրին շրջայց` ներկայացնելով բաժիններն ըստ մասնագիտությունների, քոլեջի արտալսարանային կյանքը, գրադարանից օգտվելու կարգը։
Հանդիպման ավարտին աշակերտներին տրամադրվեցին քոլեջին վերաբերող տեղեկատվական նյութեր և բուկլետներ:
Մայիսի 31, 2024թ.
