Կարիերայի տոնավաճառ
2024թ․ նոյեմբերի 21-ին «Արմենիա Մարիոթ» հյուրանոցում տեղի ունեցավ «Կարիերայի նոր հնարավորություններ և հեռանկարներ» խորագրով կարիերայի առաջին տոնավաճառը, որը կազմակերպվել էր Հայկական բարեգործական ընդհանուր միության (ՀԲԸՄ) «Սովորի՛ր և վաստակի՛ր. Արցախ» ծրագրի շրջանակում Երևանի պետական համալսարանի և Եվրասիա միջազգային համալսարանի համագործակցությամբ:
Տոնավաճառի շրջանակում կազմակերպվել էին մի շարք միջոցառումներ, մասնավորապես՝
- հանդիպումներ գործատուների և աշխատանք փնտրողների հետ,
- աշխատանք գտնելու հմտությունների զարգացմանն ուղղված կրթական միջոցառումներ,
- առկա խնդիրների և մարտահրավերների շուրջ կլոր սեղան-քննարկումներ
Տոնավաճառը լավ հնարավորություն էր քոլեջի ավարտական կուրսերի ուսանողների համար՝ տեղեկանալու ազատ աշխատատեղերի մասին, հանդիպելու գործատուների հետ, ներկայացնելու իրենց մասնագիտական ներուժն ու հմտությունները:
Նոյեմբերի 22, 2024թ.
