2022թ. դեկտեմբերի 2-ին Հայաստանի ազգային ագրարային համալսարանում տեղի ունեցավ հանդիպում Էրազմուս+ ծրագրի շրջանակում, որը նախատեսված էր միջին մասնագիտական կրթական հաստատությունների համար:
Հանդիպումը վարում էին Էրազմուս+ ծրագրի համակարգող Լանա Կարլովան, «Մասնագիտական կողմնորոշման մեթոդական կենտրոն» ՊՈԱԿ-ի տնօրեն Հայկուհի Գևորգյանը և Էրազմուս+ Բարձրագույն կրթության բարեփոխումների փորձագետ Արևիկ Օհանյանը:
Երևանի հենակետային բժշկական քոլեջի կողմից հանդիպմանը մասնակցում էին քոլեջի կրթության որակի ապահովման պատասխանատու Գոհար Սարգսյանը, մեթոդիստ Կարինե Մնացականյանը, Քոլեջի մասնագիտական կողմնորոշման և կարիերայի ուղղորդման պատասխանատու Լուսիկ Մանուչարյանը:
Տեղեկատվական օրը միտված էր Հայաստանի և Եվրոպական միության միջև միջին մասնագիտական կրթության ոլորտում հասանելի դրամաշնորհային և ռազմավարական համագործակցության հնարավորությունների, կարիերայի զարգացման համակարգի գլոբալ մարտահրավերների և հնարավորությունների ներկայացմանը:
Էրազմուս+ ծրագրի հիմնական թիրախային ուղղություններն են երիտասարդության և սպորտի ոլորտներում`
- ✧ կարողությունների զարգացում,
- ✧ փոխանակումներ,
- ✧ վերապատրաստումներ։
2023-2027թթ. ընթացքում Էրազմուս+-ը շարունակելու է իրականացնել ծրագրեր՝ շեշտադրելով երեք հորիզոնական առաջնահերթություններ`
- ✧ ներառականություն և բազմազանություն,
- ✧ թվային փոխակերպություն,
- ✧ շրջակա միջավայրի կայունություն։
Աշխատանքային հանդիպումն անցավ բեղմնավոր, արդյունավետ հարցուպատասխանի, վերլուծությունների ու առաջարկությունների մթնոլորտում:
Նկարների աղբյուրը՝ ՀԱՅԱՍՏԱՆԻ ԱԶԳԱՅԻՆ ԱԳՐԱՐԱՅԻՆ ՀԱՄԱԼՍԱՐԱՆԻ պաշտոնական կայքէջ
