Հանդիպում-համագործակցություն ՀՀ Գիտությունների ազգային ակադեմիայում
2025 թվականի մայիսի 26-ին ՀՀ Գիտությունների ազգային ակադեմիայում անցկացվեց հանդիպում՝ համագործակցային շրջանակների ընդլայնման և համապատասխան հուշագրի կնքման նպատակով։
Հանդիպմանը մասնակցում էին ՀՀ ԳԱԱ Էկոլոգանոոսֆերային հետազոտությունների կենտրոնի տնօրեն, աշխարհագրական գիտությունների թեկնածու Լիլիթ Սահակյանը և ԵՀՊԲ քոլեջի ներկայացուցիչները։
Քննարկվեցին հետազոտական համագործակցության հնարավոր թեմաները, այդ թվում՝
- ✧ սննդամթերքում ծանր մետաղների ռիսկերի գնահատում,
- ✧ սննդամթերքում տրանսճարպաթթուների ռիսկերի գնահատում,
- ✧ սննդամթերքում միկրոտոքսինների ռիսկերի գնահատում,
- ✧ պարենային անվտանգության սննդանյութերի գնահատման գիտամեթոդական կարողությունների հզորացում,
- ✧ քոլեջների սովորողների քաղաքացիական կոմպետենտության մոդելի ձևավորում,
- ✧ դասավանդողների համար ցկյանս ուսումնառության մոդելի մշակում,
- ✧ Հայաստանում էկոլոգիական տվյալների մշակման ազգային տարաբաշխված միջավայրի ստեղծում,
- ✧ մթնոլորտային օդի մասնիկների, փոշու և ասոցացված պոտենցիալ տոքսիկ տարրերի համալիր հետազոտություն։
Աշխատանքներն իրականացնելու նպատակով կձևավորվի աշխատանքային խումբ, որում կընդգրկվեն համապաասխան որակավորում ունեցող դասախոսներ։
Հանդիպումն անցավ ջերմ և համագործակցային մթնոլորտում։ Կողմերը վստահություն հայտնեցին, որ առաջիկա համագործակցությունը կլինի արդյունավետ և փոխշահավետ։
Մայիսի 27, 2025թ.
