2023 թվականի օգոստոսի 30-ին Երևանի հենակետային բժշկական քոլեջում տեղի ունեցավ հանդիպում-քննարկում քոլեջի տնօրեն Ն. Վ. Ներսիսյանի, մասնագիտական կողմնորոշման և կարիերայի ուղղորդման պատասխանատու Լ. Մանուչարյանի և «Ալֆա Ֆարմ» դեղատնային ցանցի ներկայացուցիչների մասնակցությամբ: Հանդիպման նպատակն էր ուսանողներին ներկայացնել «Ալֆա Ֆարմ» դեղատնային ցանցի հետ համագործակցությամբ իրականացվող «Կառուցիր կարիերադ «Ալֆա Ֆարմում»» ծրագիրը, որի շրջանակներում «Ալֆա Ֆարմ»-ը ՝
- ✧ Դեղագործական բաժնի ավարտական կուրսի ուսանողներին կտրամադրի կրթաթոշակ,
- ✧ կրթաթոշակառուներին կընձեռի մասնագիտական տեսական ու գործնական վերապատրաստման հնարավորություններ,
- ✧ ծրագիրը կրթաթոշակառուներին կապահովի աշխատանքով ՀՀ ամենամեծ դեղատնային ցանցում (համագործակցությունը շարունակական է)։
Աշխատանքի առաջարկն ընդունելու դեպքում կրթաթոշակառուները հնարավորություն կունենան ուսումնական հաստատությունն ավարտելուց հետո առնվազն 1 տարի աշխատել ընկերության դեղատներում։
Ծրագրի արդյունավետությունն ապահովելու նպատակով սեպտեմբերի 6-ին «Ալֆա ֆարմ» դեղատնային ցանցի ներկայացուցիչները ԵՀԲՔ-ում հանդիպեցին նաև «Դեղագործություն» բաժնի ավարտական կուրսի ուսանողներին՝ ներկայացնելով ծրագրի վերաբերյալ առավել մանրամասն տեղեկատվություն։
