Վերապատրաստման դասընթաց

2022 թվականի նոյեմբերի 22-ին և 23-ին Արթուրս Աղվերան Ռեզորթում տեղի ունեցավ մասնագիտական կրթության և ուսուցման (ՄԿՈՒ) հաստատությունների մասնագիտական կողմնորոշման և կարիերայի ուղղորդման մասնագետների վերապատրաստման դասընթաց, որին մասնակցեց նաև Երևանի հենակետային բժշկական քոլեջի մասնագիտական կողմնորոշման և կարիերայի ուղղորդման պատասխանատու Լուսիկ Մանուչարյանը:

Դասընթացի նպատակը և խնդիրներն էին՝ մասնագիտական կրթության և ուսուցման հաստատություններում զարգացնել կարիերայի կենտրոնի մասնագետների գիտելիքներն ու հմտությունները և ամրապնդել կարողությունները՝ մասնագիտական կրթության և ուսուցման շրջանավարտների զբաղվածությանը նպաստելու նպատակով:

Դասընթացի ընթացքում քննարկվեցին հետևյալ թեմաները.

• ✧ Մասնագիտական կրթության և ուսուցման հաստատությունների կարիերայի կենտրոնի նպատակներն ու գործառույթները,
• ✧ Կարիերայի զարգացման աջակցությունն ավելի արդյունավետ դարձնելու գլոբալ մարտահրավերները,
• ✧ Աջակցություն Միավորված ազգերի կայուն զարգացման նպատակների՝ ուղղված կանաչ տնտեսությանը, սոցիալական ներառմանը, հավասարությանը,
• ✧ Կարիքների գնահատման գործիքակազմ,
• ✧ Հոգեբանական թեստերը, դրանց կիրառումը կարիերայի ուղղորդման գործընթացում,
• ✧ Անհատական և խմբային ծառայությունների մեթոդաբանություն, անհատական խորհրդատվության տեխնիկա, սկզբունքները և առանձնահատկությունները,
• ✧ Կարիերայի ուղղորդման անհատական պլանի կազմում,
• ✧ Մասնակիցների միջև հաղորդակցման և կապերի ձևավորում և զարգացում,
• ✧ Թվայանացում և նորարարություն. Նոր մոտեցումները կարիերայի ուղղորդման ծառայությունների շրջանակում,
• ✧ Բրենդի ձևավորում և թվային գրագիտություն,
• ✧ Կրթություն-բիզնես համագործակցությունը և մասնավոր-պետություն համագործակցությունը,
• ✧ Գործատուների ներգրավում, աշխատատեղերի նույնականացում, աշխատանք փնտրողի գիտելիքների, նախասիրությունների և հմտությունների համապատասխանեցում:

Դասընթացի ավարտին մասնակիցներին տրվեցին հավաստագրեր։