2024 թվականի մարտի 22-ին Երևանի հենակետային բժշկական քոլեջի որոշ դասախոսներ «Ալցհայմերով հիվանդների խնամք Հայաստան» հայ-ամերիկյան ՀԿ-ի համագործակցության շրջանակներում մասնակցեցին ՀՀ ԱՆ Առողջապահության ազգային ինստիտուտում կազմակերպված «Վաղ հայտնաբերումից մինչև կյանքի վերջ. առարկայական մոտեցում Ալցհայմերի հիվանդությանը» թեմայով սեմինարին։ Այն նախաձեռնել էր «Ալցհայմերի խնամք Հայաստան» կազմակերպությունը՝ ՀՀ Առողջապահության նախարարության հետ համատեղ:
Ելույթներ ունեցան ոլորտի առաջատար մասնագետներ, այդ թվում «Ալցհայմերի խնամք Հայաստան» կազմակերպության հիմնադիր, ծերաբույժ Ջեյն Մահակյանը, ԱԱԻ-ի գիտական գծով փոխտնօրեն Ս․ Խաչատրյանը, ԱՆ հոգեբուժության և բժշկական հոգեբանության գծով խորհրդատու Գ․ Փաշիկյանը և այլք։
Սեմինարին ելույթ ունեցավ նաև Երևանի հենակետային բժշկական քոլեջի դասախոս, «Ալցհայմերի խնամք Հայաստան» հասարակական կազմակերպության տնօրեն Մելանյա Սամսոնյանը, ով ներկայացրեց «Ալցհայմերի խնամք Հայաստան» հասարակական կազմակերպության ստեղծման պատմությունը, վերջին չորս տարիների ընթացքում կազմակերպության կողմից իրականացված աշխատանքների, հիվանդության հայտնաբերման նպատակով կատարված թեստավորումների քանակի, հիվանդության հայտանբերման, հնարավոր բուժումների, տնային այցերի մասին։
Սեմինարին մասնակցում էին նաև նյարդաբաններ, հոգեբույժներ, հոգեբաններ, ԱԱՊ օղակի բժիշկներ, կրտսեր բուժաշխատողներ, սոցաշխատողներ, ինչպես նաև Ալցհայմերի հիվանդություն ունեցողների հարազատներ:
Մարտի 25, 2024թ.
