2024թ. մայիսի 29-ին Երևանի հենակետային բժշկական քոլեջի «Հանրակրթական ծրագրով բաժնի» №115 և №118 խմբի ուսանողները «Հասարակագիտություն» առարկայի դասախոս Ալինա Ավանեսյանի և «Լեզուների, հասարակագիտական և հանրակրթական առարկաների ամբիոն»-ի վարիչ Ս. Տորտիկյանի ուղեկցությամբ այցելեցին Հայոց ցեղասպանության թանգարան-ինստիտուտ:
Այցի նպատակն էր ուսանողների մեջ սերմանել հայրենասիրություն և ավելի մոտիկից ծանոթացնել սեփական ազգի պատմությանը։
Այցելության ընթացքում ուսանողները ավելի մասնրամասնորեն ուսումնասիրեցին հայ ժողովրդի պատմության ամենաողբերգական էջերից մեկը՝ Հայոց ցեղասպանությունը: Ներկայացվեցին փաստեր, որոնք ապացուցում էին թուրքերի վայրագություններն ու հայերին վերացնելու նրանց ծրագիրը, դիտեցին փոքրիկ հոլովակներ, որոնք պատմում էին ցեղասպանությունից փրկված մարդկանց մասին:
Ուսանողները հուզված էին, տպավորված․ նրանք վերադարձան հայոց պատմության վերաբերյալ նոր գիտելիքներով։
Մայիսի 30, 2024թ.
