2024 թվականի հունիսի 3-ին առարկայական խմբակի շրջանակներում «Մասնավոր դեղաբանություն» մոդուլը դասավանդող դասախոսներ Լ․ Հարությունյանի և Ռ․ Կարապետյանի ղեկավարությամբ «Քույրական գործ» բաժնի երկրորդ կուրսի 205 խմբի ուսանողների մասնակցությամբ տեղի ունեցավ «Հակաբիոտիկներ» թեմայով արտալսարանային դաս։
Հաշվի առնելով հակաբիոտիկների անպատեհ կիրառման դեմ իրականացվող միջոցառումների արդիականությունը և նրանց իրացման նկատմամբ ՀՀ Առողջապահության նախարարության արդի պահանջները, քննարկվեցին հակաբիոտիկների կիրառման հակաբիոտիկակայուն (ռեզիստենտ) մանրէների տեսակների ախտորոշման և համապատասխան խմբերի ընտրության և բաժանման յուրահատուկ մոտեցումներին, սպասվող կողմնակի ազդեցության կանխարգելման ուղիներին (հակասնկային, դիզբակտերիոզը կանխող դեղեր) վերաբերող հարցեր։
Դիտարկվեց անտիբիոտիկների կիրառումը՝ հաշվի առնելով նաև հիվանդի տարիքը, երկրորդային ուղեկցող հիվանդությունները, ալերգիկ ռեակցիաները և այլն։
Ուսանողներն ակտիվ մասնակցում էին քննարկմանը՝ ներկայացնելով հակաբիոտիկների ստեղծման պատմությունը, քիմիական կառուցվածքը, դասակարգումն ըստ խմբերի, ազդման մեխանիզմները, ցուցումները և հակացուցումները։
Հատկապես ակտիվ մասնակցություն ցուցաբերեցին Արտյոմ Կիրակոսյանը, Ռիմա Գալստյանը, Վահե Գասպարյանը, Միլենա Կնյազյանը, Արգինե Հայրապետյանը, որոնք տեսասահիկի միջոցով ներկայացրեցին զեկույցներ համապատասխան թեմաների շուրջ։
Ուսանողները և դասախոսները հետաքրքիր լրացումներ կատարեցին և ամփոփեցին դասաժամը։
Արտալսարանային դասի ավարտին «Դեղագործական մոդուլների և դեղաբանության» ամբիոնի վարիչ Մ․ Շահնազարյանը շնորհակալություն հայտնեց դասախոսներին և շնորհալի ուսանողներին` հետաքրքիր և ուսուցողական արտալսարանային դասի համար և հույս հայտնեց, որ նման ձևաչափով դասերը կլինեն շարունակական։
