2024 թվականի մայիսի 30-ին Երևանի հենակետային բժշկական քոլեջի «Հանրակրթական ծրագրով բաժնի» № 101 և № 111 խմբերի ուսանողները «Աշխարհագրություն» առարկայի դասախոս Ա. Թորոյանի և «Հանրակրթական առարկաների, լեզուների և հասարակագիտական առարկաների ամբիոն»-ի վարիչ Ս. Տորտիկյանի ուղեկցությամբ այցելեցին Հայաստանի կենդանաբանական թանգարան, որտեղ Ա. Թորոյանն անցկացրեց «Հայաստանի Հանրապետության էնդեմիկ կենդանիները» և «Կարմիր գիրքը» խորագրով դաս-էքսկուրսիա:
Արտալսարանային դասը ինքնանպատակ չէր։ Այն միտված էր ուսանողների մեջ սերմանել սեր բնության նկատմամբ, ձևավորել դրական, պատասխանատու վերաբերմունք, որը մարդ-բնություն փոխհարաբերության հիմքն է:
Ուսանողները լսեցին դասախոսություն Հայաստանի կենդանաբանական աշխարհի և էնդեմիկ տեսակների մասին, ապա շրջեցին թանգարանով և գործնականում առնչվեցին այն ամենին, ինչ տեսականորեն գիտեին դասընթացից։ Նրանց հետաքրքրությունը և զարմանքը տեղին էին Հայաստանի նման փոքր երկրի համար, որը չնայած փոքր տարածքին, հայտնի է բազմաթիվ «ամենաներով»:
Էքսկուրսիայի նպատակներից մեկն էլ, թերևս, այն էր, որ ուսանողները երբեմն այցելեն նման գիտահետազոտական ինստիտուտներ` կատարելագործելու իրենց գործնական հմտությունները։
Մայիսի 31, 2024թ.
