Երևանի հենակետային բժշկական քոլեջի և «Ալցհայմերով հիվանդների խնամք Հայաստան» հայ–ամերիկյան ՀԿ-ի համագործակցության շրջանակում 2023թ․ ապրիլի 3-ին քոլեջի դասախոսների համար «Ալցհայմերով հիվանդների խնամք Հայաստան» հայ–ամերիկյան ՀԿ-ի կողմից անցկացվեց «Ալցհայմերով հիվանդների խնամքի կազմակերպումը» թեմայով մեկօրյա մասնագիտական վերապատրաստում։
Վերապատրաստման ընթացքում քննարկվեցին Ալցհայմեր հիվանդության նախազգուշացնող նշանների, վաղ ախտորոշման, խնամքի քայլերի հաջորդականությանը վերաբերող հարցեր։
Հաշվի առնելով Ալցհայմերով հիվանդացության տարեցտարի աճող թիվը, ուսանողների հետաքրքրվածությունը, տարեցների խնամքի վերաբերյալ գիտելիքների ձեռքբերման անհրաժեշտությունը, կլինիկական խնամքի ուսուցման արդիականությունը՝ որոշվեց վերապատրաստում անցկացնել նաև քոլեջի ուսանողների լայն շրջանակում:
