2023թ․ մարտի 28-ին Երևանի հենակետային բժշկական քոլեջի Հանրակրթական ծրագրով բաժնի 101 խմբի ուսանողները Հայոց լեզու և գրականություն առարկայի դասախոս Ա. Գրիգորյանի և Լեզուների, հասարակագիտական և հանրակրթական ամբիոնի վարիչ Ս. Տորտիկյանի ուղեկցությամբ այցելեցին Եղիշե Չարենցի տուն-թանգարան՝ ուսումնական ծրագրի շրջանակում նախատեսված «Եղիշե Չարենցի կյանքն ու ստեղծագործության ընդհանուր բնութագիրը», «Ամբոխները խելագարված» պոեմը» թեմաներով դաս-էքսկուրսիա անցկացնելու նպատակով։
Դաս-էքսկուրսիայի նպատակն էր ավելի մոտիկից ծանոթանալ մեծանուն բանաստեղծին, նրա ապրած տարիների ու ստեղծագործությունների պատմությանը:
Դասի ընթացքում քննարկվեցին գրողի կենսագրության առանձին դրվագներ, մասնավորապես՝ թե ինչպես թողնելով իր հարազատ անկյունը՝ Կարսի այգին, անցնում է պայքարի, արյան ու սարսափների միջով և տեսածի ու զգացածի տպավորությամբ գրում «Դանթեական առասպել» պոեմը։
Ուսանողներն արտասանեցին տողեր բանաստեղծի հայտնի ստեղծագործություններից, կատարեցին նրա բանաստեղծությունների խոսքերով գրված երգերից՝ ավելացնելով իրենց գիտելիքները:
Փետրվարի 21-ին Եղիշե Չարենցի տուն-թանգարան էին այցելել նաև քոլեջի 116 և 118 խմբերի ուսանողները դասախոս Ս․ Սարգսյանի ուղեկցությամբ:
Մարտի 29, 2023թ.
