2026թ․ ապրիլի 23-ին Երևանի հենակետային պետական բժշկական քոլեջի «Դեղագործություն» բաժնի 203 խմբում տեղի ունեցավ «Ամեն ինչ պատվաստումների մասին» խորագրով դաս-քննարկում։ Դասը վարեց քոլեջի դասախոս Բ․ Հարությունյանը:
Դասի ընթացքում ներկայացվեցին պատվաստումների ստեղծման պատմությունը, պատվաստումների նոր օրացույցը, հակացուցումները և դրանց կարևորությունը։ Նշվեց, որ պատվաստումներն այսօր կանխում են շուրջ 30 վարակիչ հիվանդություն, որոնք կարող են առաջացնել ծանր հետևանքներ հատկապես մանկական հասակում։
Ուսանողները ներկայացրեցին տարբեր վարակիչ հիվանդությունների բնութագրեր և դրանց վտանգները։ Բացի այդ, քննարկվեցին պատվաստումների օրացույցի հետ կապված նորությունները, իմունապրոֆիլակտիկայի կարևորությունը և ժամանակակից մոտեցումները։
Ի դեպ, Բ․Հարությունյանը նախկինում վերապատրաստվել էր համապատասխան թեմայով։
