2023թ. մարտի 28-ին Երևանի հենակետային բժշկական քոլեջի «Հանրակրթական ծրագրով» բաժնի 113 խմբերի ուսանողները «ՆԶՊ և անվտանգ կենսագործունեություն» առարկայի «Անվտանգ կենսագործունեություն» բաժնի ուսումնասիրության շրջանակներում դասախոս Ալվարդ Կարապետյանի և մեթոդիստ Կարինե Մնացականյանի ուղեկցությամբ այցելեցին ՀՀ ՆԳՆ փրկարար ծառայության Երևան քաղաքի փրկարարական վարչության թիվ 8 հրշեջ-փրկարական ջոկատ:
Նպատակն էր ծանոթանալ փրկարարական, հրշեջ-փրկարարական, անհետաձգելի վթարավերականգնողական աշխատանքներին և մասնագիտական փրկարարական գործիքներին, անհատական պաշտպանության միջոցներին, ինչպես նաև ծառայության առօրյային:
Համապատասխան դասընթացից և ուսանողների հարցերին պատասխանելուց հետո հրշեջ խմբի օրվա հերթափոխի պետը ավագ հրշեջ-փրկարարի հետ անցկացրեց գործնական առաջադրանք ուսանողների համար։ Վերջիններս՝ պահպանելով անվտանգության կանոնները, կրկնեցին ցուցադրված պարանային կապերի ձևերը:
Գործնական աշխատանքը հնարավորություն տվեց ուսանողներին մոտիկից ծանոթանալ փրկարարական տեխնիկայի, փրկարարական աշխատանքների համար նախատեսված գործիքների հնարավորություններին, ինչպես նաև համազգեստ կրելուն և ծառայության անցկացմանը, ծառայության անցնելու կարգին, միջանձնային հարաբերություններին առնչվող մանրամասներին:
Ի դեպ, 2022թ․ դեկտեմբերի 21, 22-ին նույն ծրագրի շրջանակներում թիվ 8 հրշեջ-փրկարական ջոկատ էին այցելել նաև 103 և 105 խմբերի ուսանողները։
Մարտի 29, 2023թ.
