ՀՀ ԿԳՄՍՆ «Երևանի հենակետային պետական բժշկական քոլեջ» ՊՈԱԿՀՀ ԿԳՄՍՆ «Երևանի հենակետային պետական բժշկական քոլեջ» ՊՈԱԿ
  • Մեր մասին
    • Տնօրեն
    • Խորհուրդ
    • Պատմություն
    • Կանոնադրություն
    • Կառուցվածք
    • Ներքին կարգապահական կանոններ
    • Ստորաբաժանումներ
      • Մեթոդ կաբինետ
      • Կարիերայի ուղղորդման պատասխանատու
      • Կրթության որակի պատասխանատու
      • Գրադարան
    • Ռազմավարություն
    • Առաքելություն
    • Համագործակցություն
    • Պետական հավատարմագրման վկայական
    • Կայքի քարտեզ
  • Բաժիններ
    • Քույրական գործ
    • Մանկաբարձական գործ
    • Դեղագործություն
    • Ատամնատեխնիկական գործ
    • Բուժական կոսմետոլոգիա
    • Հանրակրթական ծրագրով բաժին
    • Արտադրական պրակտիկայի բաժին
  • Ամբիոններ
  • Ուսանող
    • Ուսանողական խորհուրդ
    • Տեսադարան
  • Դիմորդ
  • Իրադարձություններ
    • Գրառումներ
    • Հայտարարություններ
  • Գրադարան
  • Կապ

Մասնակցություն «Համապետական դեղագիտական առաջնություն 2026» մրցույթ-միջոցառմանը

Մասնակցություն «Համապետական դեղագիտական առաջնություն 2026» մրցույթ-միջոցառմանը
Մասնակցություն «Համապետական դեղագիտական առաջնություն 2026» մրցույթ-միջոցառմանը

2026 թվականի սեպտեմբերի 25-ին տեղի ունեցավ «Համապետական դեղագիտական առաջնություն 2026» խորագրով մրցույթ-միջոցառումը։

«Դեղագետի օրվան» նվիրված ամենամյա միջոցառումներին մասնակցելը Երևանի հենակետային պետական բժշկական քոլեջի «Դեղագործություն» բաժնի 3-րդ կուրսի ուսանողների համար տարիներ շարունակ դարձել է գեղեցիկ և սպասված ավանդույթ։

Այս տարի ևս «Վահե Մելիքսեթյան» կրթաբժշկական հիմնադրամը՝ «Թովմասյան» հիմնադրամի հետ համատեղ, «Դեղագետի միջազգային օրվա» առթիվ ԵՀՊԲ քոլեջի «Դեղագործություն» բաժնի ավարտական կուրսի ուսանողներին հրավիրեց մասնակցելու տարվա ամենասպասված և մասշտաբային մասնագիտական միջոցառումներից մեկին՝ «Համապետական դեղագիտական առաջնություն 2026» մրցույթին։

Միջոցառման նպատակն էր համախմբել ոլորտի լավագույն մասնագետներին, գնահատել և զարգացնել դեղագետների մասնագիտական գիտելիքներն ու հմտությունները, խրախուսել մասնագիտական առաջընթացը և նպաստել առողջապահության ոլորտի զարգացմանը։

Միջոցառման շրջանակում անցկացվեց նաև «Կլինիկական դեղագիտության զարգացման հիմնախնդիրները ՀՀ-ում» թեմայով պանելային քննարկում, որի ընթացքում անդրադարձ կատարվեց ոլորտի արդի խնդիրներին և զարգացման հեռանկարներին։

Մեր ուսանողներից ձևավորված «Pharma Vibes» թիմը միակն էր, որը մրցույթում ներկայացնում էր բժշկական քոլեջի ուսանողներին։ Թեև մրցույթին մասնակցում էին ոլորտում արդեն իսկ կայացած և մասնագիտական գործունեություն ծավալող դեղագետներ, մեր ուսանողները պատվով ներկայացան՝ դրսևորելով մեծ ոգևորություն, պատասխանատվություն, թիմային ոգի և մասնագիտական հետաքրքրվածություն։

Մրցույթին մասնակցությունը ուսանողների համար դարձավ կարևոր և արժեքավոր փորձառություն՝ նպաստելով նրանց մասնագիտական աշխարհայացքի ընդլայնմանը, ընտրած մասնագիտության նկատմամբ հետաքրքրության խորացմանը, ինչպես նաև դեղագործության ոլորտի գիտելիքների առավել խոր ուսումնասիրման և մասնագիտական հմտությունների զարգացման կարևորության գիտակցմանը։

Ուսանողներին ուղեկցում էին «Դեղագործական մոդուլների և դեղաբանության ամբիոն»-ի վարիչ Մ. Շահնազարյանը և «Ֆարմակագնոզիա» մոդուլի դասավանդող Ն. Սարիբեկյանը։

Երևանի հենակետային պետական բժշկական քոլեջը շնորհակալություն է հայտնում միջոցառման կազմակերպիչներին՝ ուսանողներին նման կարևոր և մասնագիտական զարգացմանը միտված միջոցառմանը ներգրավելու, ոլորտի առաջատար մասնագետների հետ շփվելու և արժեքավոր փորձառություն ձեռք բերելու հնարավորություն ընձեռելու համար։

Նման նախաձեռնությունները կարևոր նշանակություն ունեն ապագա մասնագետների մասնագիտական կայացման, ոլորտի նկատմամբ հետաքրքրության խթանման և երիտասարդ դեղագետների զարգացման գործում։

Սեպտեմբերի 26, 2026թ.
Previous article«Ենթաստամոքսային գեղձի հորմոնները» թեմայով բաց դաս

ԻՐԱԴԱՐՁՈՒԹՅՈՒՆՆԵՐ

Մասնակցություն «Համապետական դեղագիտական առաջնություն 2026» մրցույթ-միջոցառմանը

26 Սեպտեմբերի, 2026

«Ենթաստամոքսային գեղձի հորմոնները» թեմայով բաց դաս

22 Հունիսի, 2026

«Կրթության համապատասխանությունը գործատուի ակնկալիքներին» թեմայով պանելային քննարկում

20 Հունիսի, 2026

«Անպտղությունը դատավճիռ չէ» խորագրով դաս-միջոցառում

9 Հունիսի, 2026

«Սեռական օրգանների հիվանդություններ» խորագրով դաս-միջոցառում

4 Հունիսի, 2026
Կայքի նյութերը արտատպելու կամ օգտագործելու դեպքում հղումը
ԵՀՊԲՔ կայքին (www.ybmc.am) պարտադիր է:
© 2026 | ՀՀ ԿԳՄՍՆ «ԵՐԵՎԱՆԻ ՀԵՆԱԿԵՏԱՅԻՆ ՊԵՏԱԿԱՆ ԲԺՇԿԱԿԱՆ ՔՈԼԵՋ» ՊՈԱԿ