Դասընթաց «Բաց կառավարումը, նորարարությունը և Էլեկտրոնային կառավարման գործիքները» թեմայով

2023 թվականի մայիսի 5-ին և 8-ին Երևանի հենակետային բժշկական քոլեջի ուսանողների համար կայացավ «Բաց կառավարումը, նորարարությունը և Էլեկտրոնային կառավարման գործիքները» թեմայով դասընթաց, որը մշակվել և ձևավորվել էր «Բաց կառավարման գործընկերություն – Հայաստան» քարտուղարության և ՄԱԶԾ հայաստանյան գրասենյակի աջակցությամբ:

Դասընթացի ժամանակ անդրադարձ կատարվեց «Բաց կառավարման» հասկացությանը, դրա գործիքակազմին, քաղաքացիական մասնակցության կարևորությանն ու այդ գործընթացում երիտասարդների մասնակցության տարբեր ուղիներին։

Դասընթացի շրջանակներում ուսանողները իրազեկվեցին նաև Հայաստանում Բաց կառավարման գործընկերության շրջանակում ստեղծված մի շարք էլեկտրոնային գործիքների մասին, ինչպիսիք են էլեկտրոնային հարցումների միասնական հարթակը, ARMED էլեկտրոնային առողջապահության համակարգը, տեղեկացան էլեկտրոնային կառավարման և էլեկտրոնային ժողովրդավարության գործիքների մասին՝ գիտելիքներ և հմտություններ ձեռք բերելով նշված գործիքներից արդյունավետ օգտվելու համար։

Քննարկվեցին նաև վարքագծային կանոնակարգին ու հանրային բարեվարքությանն առնչվող հարցեր։

Բարեվարքության դպրոցի դասընթացներին մասնակցելու համար ուսանողներին ներկայացվեց հետևյալ հղումը՝ https://transparencyschool.org/։