«Պացիենտի դպրոց»-ի շրջանակում անցկացվող առողջ ապրելակերպի զարգացմանն ուղղված քայլերթ

2023թ. մարտի 25-ին Երևանի հենակետային բժշկական քոլեջի ուսանողները ուսանողական խորհրդի Բնապահպանական ակումբի ակտիվիստ Հարություն Էլամիրյանի գլխավորությամբ մասնակցեցին «Նորք-Մարաշ» բժշկական կենտրոնի «Պացիենտի դպրոց»-ի շրջանակում անցկացվող առողջ ապրելակերպի զարգացմանն ուղղված քայլերթին:

Քոլեջի ուսանողական խորհրդի անդամներն ամեն ուրբաթ, ժամը` 15:00-16:00-ը հաճախում են «Նորք-Մարաշ» բժշկական կենտրոնում անցկացվող «Պացիենտի դպրոց»-ի դասընթացներին, որտեղ ԲԿ-ի բժշկական անձնակազմը ներկայացնում է սիրտ-անոթային հիվանդությունների մասին զեկույցներ, տեղի են ունենում քննարկումներ:

Շնորհակալություն ենք հայտնում «Նորք-Մարաշ» բժշկական կենտրոնին քոլեջի ուսանողներին նման հնարավորություն ընձեռելու համար։