«Առողջ ապրելակերպ և առաջին օգնության ցուցաբերումը». հանդիպում Երևանի Հ. Թումանյանի անվան թիվ 32 հիմնական դպրոցում

2023 թվականի մարտի 23- ին Երևանի հենակետային բժշկական քոլեջի ուսանողական խորհուրդը, «Քույրական գործ» բաժնի N 21 խումբը «Քույրական գործը մանկաբարձությունում և գինեկոլոգիայում» առարկայի դասախոս Ռուզաննա Խաչատրյանի ղեկավարությամբ այցելեցին Երևանի Հ.Թումանյանի անվան թիվ 32 հիմնական դպրոց:

Այցի նպատակը առողջ ապրելակերպի և տարբեր իրավիճակներում առաջին բուժօգնության մասին աշակերտների իրազեկվածության բարձրացումն էր։ Հանդիպմանը մասնակցում էին դպրոցի 8-րդ և 9-րդ դասարանցիները։

Անցկացվեց խորհրդատվություն առողջ ապրելակերպի և տարբեր իրավիճակներում առաջին օգնության ցուցաբերման վերաբերյալ։

Հանդիպումն ընթացավ ակտիվ հարցուպատասխանի մթնոլորտում։

Հանդիպման ավարտին ԵՀԲ քոլեջը դպրոցին նվիրեց բուժական պարագաներով լի արկղ։