Երեվանի հենակետային պետական բժշկական քոլեջում
2026թ․ ապրիլի 15-ին Երևանի հենակետային պետական բժշկական քոլեջում անցկացվել է «Աշխատակիցների և ուսանողների պաշտպանության կազմակերպումը երկրաշարժի ժամանակ» թեմայով հատուկ տակտիկական ուսումնավարժություն:
Հատուկ տակտիկական ուսումնավարժություն նպատակներն էին՝
- Ստուգել և կատարելագործել քոլեջի ղեկավար կազմի և աշխատակազմի գործնական գիտելիքների կիրառումը, հմտությունները ստեղծված իրավիճակում:
- Պարզաբանել առկա վտանգը և ուսումնասիրել քոլեջի հնարավորությունները անձնակազմի և ուսանողների տարհանման աշխատանքները կազմակերպելու գործում:
- Կատարելագործել ղեկավար կազմի, տարհանման խմբի, կազմավորումների, անձնակազմի և ուսանողների գործնական հմտությունները երկրաշարժի ժամանակ՝ առաջին օգնության և կենսաապահովման միջոցառումների կազմակերպման և իրականացման գործում:
Ուսումնավարժությանը մասնակցում էին քոլեջի ղեկավար կազմը, աշխատակազմը, ուսանողներ, ԵՓՎ ԲՊ և ՔՊ բաժնի աշխատակիցներ:
Ելնելով ուսումնավարժության թեմայից և հաշվի առնելով, որ երկրաշարժի դեպքում անձնակազմի տարհանման միջոցառումների կազմակերպման և իրականացման համար ժամանակը խիստ սահմանափակ է, հատուկ տակտիկական ուսումնավարժությունը անցկացվեց 1 փուլով: Տրվեց «Օդային տագնապ» ազդանշան: Ուսումնասիրվեց քոլեջի անձնակազմի և ուսանողների տարհանման գործընթացը հնարավոր իրավիճակին համապատասխան․
- ✧ 15.04.2026թ ժամը 11.00-ին տեղի է ունեցել երկրաշարժ 6 բալ ուժգնությամբ: Հերթապահից տեղեկություն է ստացվել, որ ԵՀՊԲՔ-ի մասնաշենքերից մեկում փլվել է տանիքը, աստիճանավանդակը, ներսում տիրում է խուճապային իրավիճակ, աշխատողների և ուսանողների շրջանում կան տուժածներ:
- ✧ Օբյեկտի հետախուզական կազմավորումը իրականացրեց հետախուզություն և զեկուցեց արդյունքների մասին /20 րոպե/: Փրկարարական կազմավորման հետ համատեղ իրականացվեցին որոնողափրկարարական աշխատանքներ /30 րոպե/: Փլատակների տակից դուրս բերեցին վիրավորներին և հանձնեցին բժշկական բրիգադին, որոնք տուժածներին ցուցաբերեցին առաջին բուժօգնություն և տեղափոխեցին մասնագիտացված բուժհաստատություններ:
Ուսումնավարժության ընթացքում մասնակիցները քննարկեցին պաշտպանական միջոցառումների կազմակերպման աշխատանքների վերաբերյալ հարցեր, զեկուցեցին կատարված աշխատանքների մասին և տրվեցին հետևյալ առաջարկները` կազմակերպել հանդիպումներ քննարկելու համար ԱԻ և ՔՊ բնագավառներին վերաբերող հարցերը:
Տակտիկական ուսումնավարժության ավարտին ամփոփվեցին արդյունքները, տրվեցին առաջարկություններ` տեղ գտած բացթողումները և թերությունները շտկելու ուղղությամբ:
Հատուկ տակտիկական ուսումնավարժությունը գնահատվել է «Լավ»:
Ապրիլի 15, 2026թ.
