2026թ․ ապրիլի 16-ին Երևանի հենակետային պետական բժշկական քոլեջը համագործակցության շրջանակում հյուրընկալեց Գործնական հոգեբանության և սոցիոլոգիայի «Ուրարտու» համալսարանի ներկայացուցիչներին։
Հանդիպման հիմնական նպատակն էր նպաստել ուսանողների մասնագիտական կողմնորոշման զարգացմանը՝ հատկապես հոգեբանության և սոցիալական աշխատանքի ոլորտներում։ Միջոցառման ընթացքում համալսարանի ներկայացուցիչներն ավարտական կուրսի ուսանողներին ներկայացրեցին բուհում գործող կրթական ծրագրերը՝ մանրամասն անդրադառնալով դրանց բովանդակությանը, առանձնահատկություններին և զարգացման հնարավորություններին։
Առանձնակի ընդգծվեց հոգեբանի և սոցիալական աշխատողի մասնագիտությունների կարևոր դերը ժամանակակից հասարակության մեջ՝ շեշտադրելով դրանց պահանջարկը ինչպես Հայաստանի Հանրապետությունում, այնպես էլ նրա սահմաններից դուրս։ Ներկայացվեցին նաև մասնագիտական աճի, շարունակական կրթության և միջազգային համագործակցության հնարավորությունները։
Հանդիպումն անցավ ակտիվ և հետաքրքիր մթնոլորտում՝ ապահովելով ուսանողների և մասնագետների միջև արդյունավետ երկխոսություն, որը նպաստեց ուսանողների իրազեկվածության բարձրացմանն ու ապագա մասնագիտական ընտրության հստակեցմանը։
Ապրիլի 16, 2026թ.