Այցելություն Ինովացիոն տեխնոլոգիաների կենտրոն

2026թ․ ապրիլի 7-ին Երևանի հենակետային պետական բժշկական քոլեջի «Ատամնատեխնիկական գործ» բաժնի ուսանողները դասախոսներ Ա.Ֆիլիպետյանի և Լ.Գալուստյանի ուղեկցությամբ այցելեցին Ինովացիոն տեխնոլոգիաների կենտրոն։

Այցի ընթացքում ուսանողները ծանոթացան «3Shape» ծրագրի կիրառման ոլորտներին և հիմնական տեխնոլոգիաներին՝

• ✧ Թվային սկաներներ (օրինակ՝ TRIOS շարքը), որոնք ապահովում են հիվանդի ատամների բարձր ճշգրտությամբ սկանավորում,
• ✧ CAD/CAM ծրագրեր, որոնք կիրառվում են ատամների վերականգնումների (պսակներ, կամուրջներ և այլն) նախագծման համար,
• ✧ Թվային հարթակներ, որոնք միավորում են կլինիկաներն ու լաբորատորիաները մեկ միասնական համակարգում։

Կենտրոնում ուսանողները ձեռք բերեցին նոր գիտելիքներ և գործնական պատկերացումներ ոլորտի ժամանակակից տեխնոլոգիաների վերաբերյալ։ Շրջայցը հետաքրքիր էր և արդյունավետ։