2025թ․ հոկտեմբերի 10-ին, 44-օրյա պատերազմի հինգերորդ տարելիցի կապակցությամբ, Երևանի հենակետային պետական բժշկական քոլեջի «Հանրակրթական ծրագրով» բաժնի 120 խմբի ուսանողները «Հասարակագիտություն» առարկայի դասախոս Ալինա Ավանեսյանի ղեկավարությամբ այցելեցին 44-օրյա պատերազմի մասնակից, Արցախի հերոս Ալբերտ Հովհաննիսյանի տուն-թանգարան։
Այցին մասնակցում էր նաև «Հանրակրթական առարկաների, լեզուների և հասարակագիտական առարկաների ամբիոն»-ի վարիչ Ս. Տորտիկյանը։
Ուսանողները մեծ հուզմունքով ծանոթացան Ալբերտ Հովհաննիսյանի կարճ, բայց բովանդակալից կյանքի պատմությանը։ Հերոսի հայրը սիրով պատմեց որդու մանկության, դպրոցական տարիների և պատերազմի ընթացքում ցուցաբերած քաջագործությունների մասին։
Ուսանողների աչքերում հպարտություն էր, տխրություն և երախտագիտություն։
Շատ դժվար է խոսել մերօրյա հերոսների մասին անցյալ ժամանակով՝ նրանք հավերժ ներկա են, քանի դեռ մենք նրանց հիշում և մեծարում ենք։
Խոնարհվում ենք ձեր շիրիմներին…
Դուք ամենաթանկը դրեցիք զոհասեղանին, ստացաք ամենածանր հարվածը, որ մենք ապրենք։
ՓԱՌՔ ԵՎ ՊԱՏԻՎ ՁԵԶ ՄԵՐ ԱՆՄԱՀ ՀԵՐՈՍՆԵՐ…
