2025 թ. հոկտեմբերի 1-ին Երևանի հենակետային պետական բժշկական քոլեջի «Քույրական գործ» բաժնի 202 խմբի ուսանողների մասնակցությամբ կայացավ «Հայոց անկախ պետականություն» խորագրով դաս-միջոցառում։ Այն կազմակերպել էր քոլեջի «Պատմություն» առարկայի դասախոս Ա. Մարտիրոսյանը։ Միջոցառման իրականացմանը աջակցել է նաև «Հանրակրթական առարկաների, լեզուների և հասարակագիտական առարկաների ամբիոն»-ի վարիչ Ս. Տորտիկյանը։
Միջոցառման նպատակն էր ուսանողներին ներշնչել հայրենասիրությամբ, անկախ պետականության հանդեպ հպարտությամբ և պատասխանատվության գիտակցությամբ։
Ուսանողները ներկայացրեցին հայ ժողովրդի անցած դժվարին, բայց հերոսական ճանապարհը՝ հայոց անկախ պետականության վերականգնման պատմությունը:
Խոսվեց ազգային խորհրդանիշների՝ զինանշանի, հայկական եռագույն դրոշի, ինչպես նաև անկախության հռչակագրի մասին:
Միջոցառման ավարտին հնչեցին հայրենասիրական երգեր և բանաստեղծություններ, որոնք լրացրին միջոցառման ոգին՝ հիշեցնելով, որ անկախ պետականությունը ոչ միայն պատմական նվաճում է, այլև ամենօրյա պատասխանատվություն։
Եվ ամենակարևորը՝ ուսանողները խորապես գիտակցում են, որ հենց իրենք են հայոց անկախ պետականության ապագան և նրա պահպանման արժանի շարունակողները։
