2025 թվականի սեպտեմբերի 26-27-ին Երևանի հենակետային պետական բժշկական քոլեջի «Դեղագործական մոդուլների և դեղաբանության ամբիոն»-ի վարիչ Մ. Շահնազարյանը, նույն ամբիոնի դասախոսներ Ն. Սարիբեկյանը և Ա. Գալիկյանը «Ներքին հիվանդությունների բժշկության հայկական ասոցիացիա» ՀԿ-ի նախագահ Լ. Մանուկյանի հրավերով մասնակցեցին «Աշնանային սրացումներ» խորագրով երկօրյա մասնագիտական կոնֆերանսին։
Կոնֆերանսի օրակարգում ներառված էին հայտնի բժիշկների և դեղագետների հետաքրքիր ու կարևոր թեմաներով ելույթներ։
Մասնագիտական զեկույցներով հանդես եկավ նաև ԵՀՊԲ քոլեջի «Դեղագործական մոդուլների և դեղաբանության ամբիոն»-ի դասախոս Ե. Մանուկյանը։ Զեկույցների թեմաներն էին՝
- ✧ • «Ենթաստամոքսային գեղձի էկզոկրին խանգարումն ու դիսֆունկցիան»,
- ✧ • «Ստամոքսաղիքային տրակտի ֆունկցիոնալ խանգարումներ՝ համախտանիշ բազմակի դրսևորումներով»։
Նա ներկայացրեց Հայաստանում առկա վերջին սերնդի դեղամիջոցներն ու դրանց ազդման մեխանիզմները, որոնք կիրառվում են ներկայացված հիվանդությունների բուժման ժամանակ։
Նմանօրինակ մասնագիտական միջոցառումները դասախոսների համար ծառայում են որպես վերապատրաստման և ինքնակրթման արդյունավետ հարթակ՝ նպաստելով շարունակական մասնագիտական զարգացմանը։
Կոնֆերանսի մասնակիցներին կշնորհվեն սերտիֆիկատներ՝ ՇՄԶ կրեդիտային միավորներով։
Նկարների աղբյուրը Բժիշկ Երվանդ Մանուկյանի ֆեյսբուքյան անձնական էջից:
Սեպտեմբերի 30, 2025թ.
