2025թ․ սեպտեմբերի 24-ին Երևանի հենակետային պետական բժշկական քոլեջում անցկացվեց «Անկախության տոնը մեր աչքերում» խորագրով դաս-միջոցառում, որը կազմակերպել էր քոլեջի «Պատմություն» առարկայի դասախոս Մ. Նազարյանը։
Միջոցառմանը մասնակցում էին քոլեջի «Հանրակրթական ծրագրերով» բաժնի 121 խմբի շնորհալի ու նախաձեռնող ուսանողները։
Նպատակն էր ներկայացնել Հայաստանի Հանրապետության անկախությունը՝ որպես մեր ժողովրդի դարավոր պայքարի և ազգային ինքնության վերածնունդ։
Միջոցառման ընթացքում ներկայացվեցին հայոց պետական խորհրդանիշները՝ դրոշը և զինանշանը, պատմվեց հայ ժողովրդի հերոսական ուղու մասին՝ դեպի ազատ ու անկախ պետություն։
Հնչեց նաև հայրենասիրական երգ, որը խորապես արտացոլեց մեր ժողովրդի ոգին, հավատը և սերը հայրենիքի հանդեպ։
«Մենք ասում ենք Հայաստան և հասկանում ենք՝ Մեսրոպ Մաշտոց, Մովսես Խորենացի, Թումանյան, Մարտիրոս Սարյան, Մոնթե Մելքոնյան…»․ նրանք այն մարդիկ են, որոնց երազանքներն ու հավատը դարձան մեր անկախության հիմքը։
Այսօր էլ մեր անկախ Հայաստանը շարունակում է քայլել առաջ՝ հենվելով իր երիտասարդների ուժի, ազգային միասնության և խաղաղության գաղափարի վրա։
Անկախությունը պարզապես պետական սահման չէ․ այն յուրաքանչյուր հայի սրտում վառվող հավատն է, որ այս հողը մեր տունն է, մեր պատասխանատվությունը և մեր ապագան։
Միջոցառումը եզրափակվեց բարձր տրամադրությամբ, ուրախությամբ ու հպարտությամբ՝ մեր անկախ հայրենիքի հանդեպ սիրով ու հավատով լցված։
