2025 թ. հոկտեմբերի 1-ին Երևանի հենակետային պետական բժշկական քոլեջի «Հանրակրթական ծրագրով» բաժնի 106 խմբում «Պատմություն» առարկայի շրջանակներում անցկացվեց դաս-միջոցառում «Անկախ Հայաստան» խորագրով, որը նվիրված էր Հայաստանի Հանրապետության Անկախության օրվան։
Դասը անցկացվեց «Պատմություն» առարկայի դասախոս Հ. Վիրաբյանի ղեկավարությամբ և «Հանրակրթական առարկաների, լեզուների և հասարակագիտական առարկաների ամբիոն»-ի վարիչ Ս. Տորտիկյանի աջակցությամբ։
Ուսանողները ներկայացրին Հայաստանի Հանրապետության անկախության հռչակման գործընթացը, որն էլ ավելի պատկերավոր դարձրին իրենց կողմից պատրաստված թեմատիկ պաստառներով։
Նրանք երգեցին Հայաստանի Հանրապետության օրհներգը, պատմեցին դրա ստեղծման պատմությունը, ներկայացրին ՀՀ զինանշանի և դրոշի խորհրդանշական իմաստը։
Ուսանողները իրենց պատմություններով արտահայտեցին անկախության գաղափարի էությունը՝ վերապրելով հայրենիքի անկախության համար մղված պայքարի ողջ լրջությունը։ Պատմական անդրադարձի միջոցով նրանք ներկայացրին հայ ժողովրդի անցած ուղին, ընթերցեցին Անկախության հռչակագիրը և Հայաստանի Հանրապետության Սահմանադրության կարևորագույն դրույթները։
Ուսանողներից յուրաքանչյուրը ներկայացրեց սեփական տեսլականը՝ կապված անկախության պահպանման և ազատ ու ինքնուրույն հայրենիքի զարգացման հետ։
Դասը ավարտվեց հայրենասիրական ոգով՝ ազգային գաղափարախոսության ըմբռնման և պետականության արժեքների գիտակցման մթնոլորտում։
