Ուսումնաճանաչողական այց Դսեղ գյուղ

2025 թվականի մայիսի 17-ին Երևանի հենակետային պետական բժշկական քոլեջի «Հանրակրթական ծրագրով» բաժնի 105 խմբի ուսանողները՝ դասախոսներ Ա. Խաչատրյանի, Ա. Թորոյանի և Մ. Գևորգյանի ուղեկցությամբ, ուսումնաճանաչողական այցով ուղևորվեցին դեպի Լոռու մարզի հիասքանչ Դսեղ գյուղ։

Այցի ընթացքում ուսանողները եղան հայ մեծանուն գրող Հովհաննես Թումանյանի տուն-թանգարանում, ծանոթացան նրա կյանքին ու ստեղծագործական ուղուն, ինչպես նաև այցելեցին պատմական ու հոգևոր արժեք ներկայացնող Սուրբ Գրիգոր Բարձրաքարշ եկեղեցին։ Բնության գրկում բացահայտեցին նաև շրջակա բնության գեղեցկությունը՝ «Դսեղի ծովեր», կանաչապատ հովիտներ և լեռներ։

Օրը լի էր նոր գիտելիքներով, ջերմ շփումներով ու անմոռանալի տպավորություններով։ Ուսանողների և դասախոսների համար այն դարձավ ոչ միայն ճանաչողական, այլև ոգեշնչող ու կրթական փորձառություն։