2025 թվականի հունիսի 18-ին Երևանի հենակետային պետական բժշկական քոլեջի «Բուժական կոսմետոլոգիա» բաժնի ուսանողները ճանաչողական շրջայցով «Ավանտա» նորարարական բժշկության կենտրոնում էին։ Շրջայցին մասնակցում էր նաև ԵՀՊԲՔ Կրթության որակի պատասխանատու Գ․ Սարգսյանը։ Այցի նպատակն էր ուսանողներին ծանոթացնել կենտրոնի գործունեությանը և ժամանակակից տեխնոլոգիական հագեցվածությանը։
Շրջայցի ընթացքում կենտրոնի աշխատակից Տ. Ստեփանյանը ներկայացրեց կենտրոնի ստեղծման պատմությունը, ընթացիկ նախագծերը, տեխնիկական ներուժը, ինչպես նաև համագործակցության հնարավոր հարթակները։ Ուսանողները հնարավորություն ունեցան ծանոթանալու նորագույն սարքավորումներին, փորձարկել դրանց աշխատանքը և ուղղել մասնագիտական հարցեր։
Միջոցառման շրջանակում կազմակերպվեց տեղեկատվական-խորհրդատվական դասընթաց, որի ընթացքում ուսանողները քննարկեցին մազահեռացման մեթոդները, մաշկի տիպերն ու խնամքը, սարքավորումների կիրառումը, ինչպես նաև ապագա պրակտիկայի և հնարավոր աշխատատեղերի վերաբերյալ մի շարք կարևոր հարցեր։
Այսպիսի այցերը կարևոր ներդրում են ուսանողների մասնագիտական ձևավորման ճանապարհին՝ ապահովելով տեսական և գործնական գիտելիքների ներդաշնակ զարգացում։
Հունիսի 18, 2025թ.
