Մասնակցություն «Դեղագործության կազմակերպում և էկոնոմիկա» գրքի շնորհանդեսին

2025 թվականի մարտի 19-ին ԵՀՊԲ քոլեջի կարիերայի ուղղորդման պատասխանատու Լ.Մանուչարյանը և կրթության որակի պատասխանատու Գ.Սարգսյանը մասնակցել են Մեհրաբյանի անվան բժշկական քոլեջի դասախոս, դեղագետ և «Healthy Pharm» ընկերության հիմնադիր՝ Գոռ Վերմիշյանի «Դեղագործության կազմակերպում և էկոնոմիկա» ուսումնամեթոդական ձեռնարկի շնորհանդեսին։

Ձեռնարկում ներկայացված են դեղագործական գործունեության կազմակերպման և կարգավորման հիմնախնդիրները, դեղերի շրջանառությանը, պահպանմանը, մեծածախ և մանրածախ վաճառքին, դեղագործական գործունեության հայեցակարգին վերաբերող հարցեր։ Այն 2021 թ-ին լույս տեսած «Դեղագործական գործունեության կառավարում» ուսումնամեթոդական ձեռնարկի լրամշակված և նորացված տարբերակն է։

Հեղինակը ներկայացրեց գրքի բովանդակությունը, համապատասխանությունը միջին մասնագիտական կրթական ծրագրին, իսկ միջոցառման ավարտին իր հեղինակած գիրքը նվիրեց ներկաներին։

Ուսանողներին գիրքը հասանելի դարձնելու նպատակով ԵՀՊԲՔ ներկայացուցիչները այն տրամադրեցին քոլեջի գրադարանին: