2025 թվականի մարտի 13-14-ին Եվրասիա միջազգային համալսարանի հետ համագործակցության շրջանակներում ԵՀՊԲ քոլեջի «Դեղադգործություն» բաժնի մի խումբ ուսանողներ «Դեղագործական մոդուլների և դեղաբանության ամբիոն»-ի վարիչ Մ․Շահնազարյանի ուղեկցությամբ Եվրասիա միջազգային համալսարանում ներկա են գտնվել «Բաց դռների օր» նախագծի բացմանը։ Նախագծի շրջանակում իրականացվող միջոցառումը կրում էր «Բուհի առաջարկ աշխատաշուկայի պահանջարկ» խորագիրը:
ԵՀՊԲՔ-ի ուսանողները միջոցառման ընթացքում ծանոթացան Եվրասիա միջազգային համալսարանում գործող ֆակուլտետներին, ընդունելության կարգին, վարձավճարներին, շարունակական կրթության պայմաններին։ Նրանք նաև շրջայց կատարեցին միջոցառման տաղավարներում, մասնակցեցին դեղագործական բաժնի կողմից կազմակերպված քիմիական փորձերին և լսեցին «Քիմիայի, դեղագործության, դատաբժշկության և արվեստի բնագավառներում սպեկտրալ պատկերման կիրառումը» թեմայով դասախոսություն։
Միջոցառմանը ներկա էին նաև ԵՀՊԲ քոլեջի կարիերայի ուղղորդման պատասխանատու Լ.Մանուչարյանը, մեթոդիստ Կ.Մնացականյանը և կրթության որակի պատասխանատու Գ.Սարգսյանը։
