2024 թվականի նոյեմբերի 16-ին և 17-ին «ՄԵՐԻԴԻԱՆ» էքսպո կենտրոնում տեղի ունեցավ MedMeet 2024 Էքսպո ցուցահանդես-գիտաժողով, որը միտված էր միավորելու առողջապահության ոլորտի լավագույն մասնագետներին, առաջադեմ հետազոտողներին, ոլորտի առաջատարներին և բուժառուներին Հայաստանից ու արտերկրից՝ բացահայտելու առողջապահության ոլորտի ամենահետաքրքիր նորարարությունները։
Միջոցառմանը մասնակցում էին նաև Երևանի հենակետային բժշկական քոլեջի «Դեղագործություն» բաժնի ուսանողները, դասախոսները և քոլեջի մեթոդիստները։
Ուսանողները շրջեցին տաղավարներով, ծանոթացան առողջապահական ոլորտը ներկայացնող խոշորագույն բժշկական և դեղագործական ընկերություններին, տարբեր լսարաններում լսեցին մի շարք բժիշկների և դեղագետների կողմից պատրաստած հետաքրքիր զեկույցներ և պանելային քննարկումներ, որոնք ներառում էին ոլորտին վերաբերող կարևորագույն հիմնախնդիրները։
Գիտաժողովին զեկույցով հանդես եկան նաև քոլեջի «Դեղագործական մոդուլների և դեղաբանության ամբիոն»–ի դասախոսներ Ա․ Բեզոյանը և Թ․ Կանեցյանը։ Զեկույցի թեմաներն էին «Դեղագետ-դեղագործի դերը առողջապահական համակարգում» և «Հաղորդակցման հմտություններ»։
Գիտաժողովը ամփոփվեց խաղարկությամբ, որի արդյունքում մեր քոլեջի ուսանողներ Մ․Նարիմանյանը և Մ․Հարթենյանը շահեցին Da-Vinci-Clinic-ում անվճար սոնոգրաֆիկ հետազոտոթյուն անցնելու իրավունք։
