«Էնտեզոպատիաներ կամ ինսերցիոնիտներ» թեմայով ներքոլեջային սեմինար-վերապատրաստում

2024 թվականի նոյեմբերի 13֊ին Երևանի հենակետային բժշկական քոլեջում անցկացվեց «Էնտեզոպատիաներ կամ ինսերցիոնիտներ» թեմայով ներքոլեջային սեմինար֊վերապատրաստում, որը վարում էր քոլեջի «Վիրաբուժության, մանկաբարձության և գինեկոլոգիայի, աչքի և ԼՕՌ հիվանդությունների ամբիոն»-ի դասախոս, բ.գ.թ. Ռուբեն Ազիզյանը։

Խորագրի ընտրությունը պայմանավորված էր նրա արդիականությամբ՝ հատկապես կանանց մոտ այդ հիվանդությունների տարածվածությամբ։

Վերապատրաստման նպատակը դասախոսներին վերոնշյալ հիվանդությունների բուժման վերաբերյալ ժամանակակից մոտեցումներին ծանոթացնելն էր, ինչպես նաև նորարարական տեխնոլոգիաների ու մեթոդների վերաբերյալ տեղեկատվության փոխանցումը, ինչը կնպաստի այդ հիվանդությունների կանխարգելմանը։

Սեմինարի ընթացքում լուսաբանվեցին հետևյալ թեմաները`

• ✧ սրունք֊թաթային հոդի կապանների գերձգում,
• ✧ Hallux valgus կամ ոտնաթաթի I մատի վալգուսային ձևախախտում,
• ✧ կրունկոսկրի խթանի կամ ոտնաթաթի ներբանային ֆասցիտ հիվանդություններ։

Սեմինար֊վերապատրաստմանը ներկա էին քոլեջի տնօրենը, փոխտնօրենը, մեթոդիստները և դասախոսները։