2024 թվականի մայիսի 24-ին Երևանի հենակետային բժշկական քոլեջի «Հանրակրթական ծրագրով» բաժնի № 115 խմբում «Հասարակագիտություն» առարկայի շրջանակներում դասախոս Ալինա Ավանեսյանի ղեկավարությամբ անցկացվեց «Պատերազմը որպես հասարակական երևույթ» խորագրով դաս-քննարկում։
Դասի թեմաներն էին՝
- ✧ «Ի՞նչ է պատերազմը, և որոնք են համարվում արդարացված և չարդարացված
- ✧ «Արցախյան 1-ին և 2-րդ պատերազմները»:
Դասին ներկա էր նաև «Լեզուների, հասարակագիտական և հանրակրթական առարկաների ամբիոն»-ի վարիչ Ս. Տորտիկյանը:
Ուսանողները հետաքրքիր ձևով մատուցեցին Արցախյան 1-ին պատերազմում ծավալված գործողությունները, Շուշիի ազատագրման ծրագիրը, պատմեցին մեր ազատամարտիկների հերոսական դրվագներից, խոսեցին նաև Արցախյան 2-րդ պատերազմի ցավալի հետևանքների մասին:
Դասն անցավ բավականին հետաքրքիր և հուզառատ մթնոլորտում։ Հնչեցին տարբեր կարծիքներ․ ևս մեկ անգամ հիշեցին մեր բոլոր հերոսներին, ովքեր իրենց կյանքը նվիրեցին հանուն հայրենիքի:
