Դաս-էքսկուրսիա Եղիշե Չարենցի տուն-թանգարան

2024 թվականի մայիսի 16-ին Երևանի հենակետային բժշկական քոլեջի «Հայոց լեզու և գրականություն» առարկայի դասախոս Ա. Եղոյանը «Հանրակրթական ծրագրով բաժնի» N 117 խմբի ուսանողների համար «Եղիշե Չարենցի կյանքն ու ստեղծագործության ընդհանուր բնութագիրը», Եղիշե Չարենցի «Ամբոխները խելագարված» և «Դանթեական առասպել» պոեմները թեմաներով դաս-էքսկուրսիա անցկացրեց Եղիշե Չարենցի տուն-թանգարանում։

Դաս-էքսկուրսիային մասնակցում էր նաև «Լեզուների, հասարակագիտական և հանրակրթական առարկաների ամբիոնի» վարիչ Ս. Տորտիկյանը։

Դասի նպատակն էր ուսանողներին ծանոթացնել հայ մեծանուն բանաստեղծի ապրած տարիների և ստեղծագործությունների պատմությանը։

Դաս-էքսկուրսիայի ընթացքում ներկայացվեց հայ մեծանուն բանաստեղծի տեսածն ու ապրածը, նրա կյանքի մանրամասներն այն մասին, թե ինչպես թողնելով իր հարազատ անկյունը, Կարսի այգին, Չարենցը բռնում է մի անսովոր ճանապարհ, մտնում արյան ու սարսափների աշխարհը և այդ տեսածի ու զգացածի տպավորությամբ գրում իր «Դանթեական առասպել» պոեմը։

Ուսանողները արտասանեցին բանաստեղծություններ, տողեր նրա՝ տարբեր ժամանակներում գրած ստեղծագործություններից, կատարեցին նրա բանաստեղծությունների բառերով գրված երգերից, ավելացրեցին իրենց գիտելիքների պաշարը՝ առաջիկայում տարբեր հետազոտական աշխատանքներ կատարելու համար։

Դաս-էքսկուրսիան ուսուցողական էր և տպավորիչ։