2024 թվականի մայիսի 15-ին Երևանի հենակետային բժշկական քոլեջի «Հանրակրթական ծրագրով բաժնի» N115 խմբի ուսանողների նախաձեռնությամբ և մասնակցությամբ տեղի ունեցավ «Իմ սրտի երկիր Հայաստան» խորագրով միջոցառում «Հայ գրականություն» առարկայից:
Քոլեջի դասախոս Լ. Վարդումյանի ուղղորդմամբ ուսանողներն ընտրել էին հայրենիքին նվիրված ինչպես դասական, այնպես էլ ժամանակակից ստեղծագործություններ:
Միջոցառումն ուղեկցվում էր ազգային պարերով ու երաժշտությամբ և նման էր թատերական ներկայացման, որի ընթացքում Հայաստան ժամանած հյուրերի համար կազմակերպել էին յուրօրինակ շրջայց Երևանի տեսարժան վայրերով:
Վերջին կայանը Հաղթանակի զբոսայգին էր՝ որպես նաև վերականգնվելիք հաղթանակների խորհրդանիշ:
Ուսանողները խաղաղություն և բարօրություն մաղթեցին ներկաներին, ինչպես նաև երախտիքի և հիշատակի խոսքեր ձոնեցին իրենց կյանքը հայրենիքին նվիրած մեր հերոսներին:
Միջոցառման իրականացմանը զուգընթաց ուսանողները ցուցադրեցին իրենց մեդիագրագիտությունը՝ ներկայացմանը վերաբերող բոլոր տեսարժան վայրերը գունագեղ սահիկաշարերով ցուցադրելով հանդիսատես ուսանողներին և դասախոսներին:
Միջոցառումն անցավ ջերմ և հետաքրքիր մթնոլորտում։
Մայիսի 16 2024թ.
