2024 թվականի փետրվարի 21-ին Երևանի հենակետային բժշկական քոլեջի «Հանրակրթական ծրագրով» բաժնի 103 խմբի ուսանողների մասնակցությամբ անցկացվեց «Տեառնընդառաջ. տոնի խորհուրդն ու ավանդույթները» խորագրով դաս-միջոցառում, որը կազմակերպել էր Քոլեջի «Հանրակրթական առարկաների, լեզուների և հասարակագիտական առարկաների ամբիոն»-ի դասախոս Ս. Հարությունյանը:
Միջոցառման ընթացքում ուսանողները ներկայացրեցին տոնի անվան տարբեր ստուգաբանությունները, մեկնաբանեցին տոնի առնչությունը նախաքրիստոնեական հավատալիքների, ազգային ավանդույթների, գարնանամուտի հետ։ Ներկայացրեցին նաև տոնի հետ կապված ազգային-ծիսական ուտելիքների ցանկը, պատրաստման եղանակները, հյուրասիրության կարգը, ազգային երգերն ու պարերը, մանրամասն մեկնաբանեցին տոնի քրիստոնեական բովանդակությունը, խորհուրդը և հայ առաքելական եկեղեցու մոտեցումները:
Միջոցառումն ուսուցողական էր` հագեցած հետաքրքիր տեղեկատվությամբ և դրական լիցքերով։
Փետրվարի 22, 2024թ.