2024 թվականի փետրվարի 15-ին Երևանի հենակետային բժշկական քոլեջը հյուրընկալել էր Գործնական հոգեբանության և սոցիոլոգիայի «Ուրարտու» համալսարանի ներկայացուցիչներին։
Հանդիպումը միտված էր հոգեբանության, սոցիոլոգիայի և սոցիալական աշխատանքի ոլորտներում ուսանողների մասնագիտական կողմնորոշման բարձրացմանը։
Համալսարանի «Հոգեբանություն» և «Սոցիոլոգիայի և սոցիալական աշխատանք» ամբիոնների վարիչները քոլեջի ավարտական կուրսի ուսանողներին ներկայացրեցին համալսարանում գործող կրթական ծրագրերը, մանրամասն ներկայացրեցին հոգեբանի և սոցիալական աշխատողի մասնագիտական կարևորությունը, դերն ու պահանջարկը հանրապետությունում և նրա սահմաններից դուրս։
Երևանի հենակետային բժշկական քոլեջի և «Ուրարտու» համալսարանի միջև կնքվեց համագործակցության հուշագիր, որով նախատեսված է համատեղ անցկացնել հետազոտություններ և գործնական աշխատանքներ։
Հանդիպման ավարտին Համալսարանի ներկայացուցիչները Քոլեջի գրադարանին նվիրեցին Համալսարանի ռեկտոր` հոգեբանական գիտությունների դոկտոր, պրոֆեսոր Ս.Ա.Սեդրակյանի հեղինակած` «Ընտանիքի հոգեբանություն», «Կառավարման հոգեբանություն» գրքերը և «Հոգեբանական աշխատանքները ուսումնական հաստատություններում» ուսումնական ձեռնարկը։
Հնչեցին բազմաթիվ հարցեր, որոնց տրվեցին գոհացնող և սպառիչ պատասխաններ։ Հանդիպումն անցավ ջերմ մթնոլորտում։
Փետրվարի 16, 2024թ.
