2023 թվականի դեկտեմբերի 6-ին Երևանի հենակետային բժշկական քոլեջի մասնագիտական կողմնորոշման և կարիերայի ուղղորդման պատասխանատու Լ.Մանուչարյանը, «Դեղագործական մոդուլների և դեղաբանություն» ամբիոնի վարիչ Մ.Շահնազարյանը և մի խումբ ուսանողներ համագործակցության շրջանակում Եվրասիա միջազգային համալսարանում ներկա են գտնվել «Դեղագետի օրը» խորագրով միջոցառմանը:
Միջոցառման օրակարգը ներառում էր հետևյալ կետերը․
- ✧ Ինչու՞ է աշխատանքն արդյունավետ 36.6 դեղատնային ցանցում
- ✧ Դեղագետի դերը առողջապահության ոլորտում
- ✧ Վիրուսները՝ որպես նոր թերապևտիկ ագենտներ ուռուցքների դեմ
- ✧ Հաջողության քայլերը ﬔծ ֆարմացևտիկ ընկերություններում՝ համալսարանից ﬕնչև կլինիկական փորձարկուﬓեր
- ✧ Լաբորատոր փորձեր.
- – Ամեն ինչ թույն է, հարցը քանակն է
- – Ֆիզիոլոգիական, դեղագիտական փորձեր
Ուսանողները, միջոցառումից ոգեշնչված, Երևանի հենակետային բժշկական քոլեջում «Ընդհանուր բժշկական առարկաների» ամբիոնի դասախոս Ս․ Մխիթարյանի ղեկավարությամբ «Ֆիզիոլոգիա՝ անատոմիայի հիմունքներով» մոդուլի շրջանակներում քոլեջում իրականացրեցին երկու հետազոտական աշխատանք՝ խոզի սրտի հերձում և արյան խմբերի ու դրանց ռեզուս գործոնների որոշում ցոլիկլոնների միջոցով:
Ուսանողների տեսական բարձր գիտելիքների հիմքի վրա կատարվեց գործնական հմտությունների և կարողությունների ստուգում։ Իրականացված աշխատանքը դիտարկվեց որպես հետազոտական աշխատանք:
Ուսանողները մեծ հետաքրքրությամբ մասնակցեցին նաև քիմիական լաբորատորիայում կազմակերպված հետազոտություններին: «Ամեն ինչ թույն է, հարցը քանակն Է» թեմայի շուրջ բազմաթիվ հարցուպատասխաններից հետո կատարեցին նաև մետաղների որակական հայտնաբերման ռեակցիաներ, որոնցով կարող են ընթանալ թունավորումներ: Զտելով լուծույթները, ուսանողները առանձնացրեցին և չորացրեցին նստվածքները, կատարեցին քանակական անալիզ: Այնուհետև անալիզի տվյալները համեմատեցին Պետական ֆարմակոպեայի թույլատրելի չափերին և կատարեցին անհրաժեշտ եզրակացություններ:
Դեկտեմբերի 7, 2023թ.
