2023 թվականի դեկտեմբերի 18-ին Երևանի հենակետային բժշկական քոլեջի գրադարանում տեղի ունեցավ «Գիրք կարդալու 10 պատճառ» խորագրով քննարկում, որը կազմակերպել էր քոլեջի ավագ գրադարանավար Լ․ Փափազյանը։ Քննարկմանը մասնակցում էին քոլեջի «Հանրակրթական ծրագրով բաժնի» 102, 113 և 115 խմբերի ընթերցասեր ուսանողները։
Քննարկման մասնակիցներին հանձնարարվել էր հետևյալը՝
- ✧ կարդալ առաջադրված պատմվածքը, դուրս գրել գոյականները և գրել փոքրիկ շարադրություն,
- ✧ կարդալ առաջադրված բանաստեղծությունը, դուրս գրել և բացատրել օտար կամ բարբառային բառերը,
- ✧ կարդալ համացանցից վերցված հոդվածը և որոշել, թե որ փաստերն են հնացած, սխալ կամ ոչ արժանահավատ,
- ✧ գրել և պատմել իրեն «այլ աշխարհ տեղափոխած» ստեղծագործության մասին,
- ✧ գրել այն մասին, թե ինչպես է գիրք կարդալն օգնել նոր գաղափար ունենալուն և այն իրականացնել,
- ✧ անգիր սովորել առաջադրված քառյակներից մի քանիսը,
- ✧ կարդալ Փարիզի մի քանի հուշարձանի մասին և վերապատմել,
- ✧ կարդալ «Սամվել» պատմավեպից մի հատված, դուրս գրել ածականները և կազմել նոր նախադասություններ,
- ✧ թվարկել այն գրքերը, որոնք ընթերցում են քնելուց առաջ և հիմնավորել,
- ✧ կազմել նոր նախադասություններ,
- ✧ կարդալ «Առողջություն» հանդեսից տրամադրված հոդվածը և սահմանել ուղենիշ։
Առաջադրանքները կատարելու համար տրված ժամանակի ընթացքում 102 խմբի շնորհալի ուսանող Էդգարը սաքսոֆոնով հնչեցրեց Առնո Բաբաջանյանի «Նոկտյուրն» ստեղծագործությունը և այլ ստեղծագործություններ:
Մասնակիցները ներկայացրեցին իրենց աշխատանքները, ակտիվորեն մասնակցեցին քննարկմանը, հիմնավորեցին գիրք կարդալու առնվազն տաս պատճառները և պատասխանեցին իրենց տրված հարցերին և միջոցառումն ամփոփեցին գեղեցիկ երգի կատարմամբ։
Քննարկմանը ներկա էին նաև քոլեջի կրթության որակի ապահովման պատասխանատու Գ.Սարգսյանը, մեթոդիստ Կ.Մնացականյանը, մասնագիտական կողմնորոշման և կարիերայի ուղղորդման պատասխանատու Լ.Մանուչարյանը, դասախոս Ա. Մարտիրոսյանը, գրադարանավար Ա. Մարգարյանը և արխիվապահ Ս. Բարիկյանը:
Դեկտեմբերի 20, 2023թ.
