2023 թվականի դեկտեմբերի 18-ին Երևանի հենակետային բժշկական քոլեջը համագործակցության շրջանակներում հյուրընկալեց Հայ-Ռուսական (Սլավոնական) համալսարանի ընդունելության բաժնի, «Կենսաինժեներիա», «Հոգեբանություն» և «Կենսաինֆորմատիկա» ամբիոնների ներկայացուցիչներին և համալսարանի մի խումբ ուսանողների։
Հյուրերը ԵՀԲ քոլեջի «Դեղագործություն» բաժնի ուսանողներին սահիկաշարի միջոցով ներկայացրեցին Հայ-Ռուսական (Սլավոնական) համալսարանի կառուցվածքը, բաժինները, ինստիտուտները և ընդունելության կարգը:
Այցի նպատակն էր ուսանողներին ուղղորդել մասնագիտության ճիշտ ընտրության և կարիերայի ձևավորման հարցերում։
Հադիպումն ուղեկցվեց հարցուպատասխանով և քննարկումներով։ Հանդիպումների շրջանակը ընդլայնելու և շարունակական դարձնելու ակնկալիքով մշակվեցին հետադարձ կապի պահպանման մեխանիզմներ:
Դեկտեմբերի 20, 2023թ.
