2023թ. ապրիլի 14-ին Երևանի հենակետային բժշկական քոլեջի ուսանողները «Եվրասիա» միջազգային համալսարանում մասնակցեցին «Կարիերայի օր» խորագրով միջոցառմանը, որն իր մեջ ներառում էր՝
- շրջայց տաղավարներով, որտեղ բուկլետներով ներկայացվում էին բուհի առաջարկները և աշխատաշուկայի պահանջարկները,
- գիտաժողով, որտեղ ուսանողները լսեցին վարպետաց դասեր հետևյալ թեմաներով`
- դեղագործի դերը առողջապահության համակարգում,
- ադենոզինդեամինազ ֆերմենտը ծնկան հոդի հեղուկում արթրիտի ժամանակ,
- խաղ-դասախոսություն, որի նպատակն էր ուսանողին հնարավորություն տալ իր նախասիրության շրջանակներում կատարել հետազոտական աշխատանք և տեղում ներկայացնել:
Ուսանողները, բաժանվելով թիմերի, ուսումնասիրեցին ասպիրինի որակական անալիզը, պատրաստման տեխնոլոգիան և դեղաբանական ազդեցությունը օրգանիզմի վրա:
Առաջին թիմը, որը զբաղվում էր ասպիրինի որակական անալիզով, կատարած աշխատանքով և ներկայացմամբ փայլուն արդյունք ապահովեց և գրավեց առաջին տեղը՝ հնարավորություն ստացավ Կենսաքիմիայի ինստիտուտում ընդգրկվել գիտահետազոտական աշխատանքներում:
Երկրորդ խումբը ասպիրինի փոշուց ստացավ դեղահաբ, որը սկզբում ցուցադրվեց ծեփամածիկի վրա, այնուհետև ուսանողները, պահպանելով պատրաստման տեխնոլոգիան, ինքնուրույն ստացան դեղահաբը:
Ուսանողներին ուղեկցում և ոգևորում էին քոլեջի Դեղագործական առարկաների և դեղաբանության ամբիոնի վարիչ Մ. Շահնազարյանը, նույն ամբիոնի դասախոս Ն. Սարիբեկյանը, մասնագիտական կողմնորոշման և կարիերայի ուղղորդման պատասխանատու Լ. Մանուչարյանը, կրթության, որակի ապահովման պատասխանատու Գ. Սարգսյանը և մեթոդիստ Կ. Մնացականյանը:
