Հանդիպում- քննարկում
«Նորք-Մարաշ» բժշկական կենտրոնի աշխատակազմի հետ
2023 թվականի ապրիլի 18-ին Երևանի հենակետային բժշկական քոլեջում տեղի ունեցավ հանդիպում տնօրեն Ն. Ներսիսյանի, արտադրական պրակտիկայի բաժնի վարիչ Ա. Խաչատրյանի, մասնագիտական կողմնորոշման և կարիերայի ուղղորդման պատասխանատու Լ. Մանուչարյանի և «Նորք Մարաշ» բժշկական կենտրոնի բուժական գժով փոխտնօրեն Կ. Խաչիյանի ու ԲԿ-ի այլ աշխատակիցների մասնակցությամբ։
Հանդիպման ընթացքում քննարկվեցին հետևյալ թեմաները՝
- շրջանավարտների և ուսանողների փորձաշրջանի ուսումնաարտադրական և նախաավարտական պրակտիկաների որակի բարելավմանն ուղղված միջոցառումների արդյունավետությունը,
- արտաքին և ներքին շահակիցների համագործակցության շրջանակների ընդլայնումը, Երևանի հենակետային բժշկական քոլեջի՝ շրջանավարտների զբաղվածության ցուցանիշը և աշխատաշուկայի պահանջարկը։
«Նորք-Մարաշ» բժշկական կենտրոնի ազատ աշխատատեղերը համալրելու նպատակով բժշկական կենտրոնին տրամադրվեց քոլեջի աշխատանք փնտրող շրջանավարտների տվյալների բազան:
Ապրիլի 15, 2023թ.
